საერთაშორისო ჟურნალი სოციალურ მეცნიერებებში

წინამდებარე სტატია იკვლევს ქონებრივი ზიანის ანაზღაურების სამართლებრივ რეჟიმს საჯარო რეესტრის ეროვნული სააგენტოს მიმართ წარდგენილ სარჩელებში. კვლევის მიზანია სახელმწიფო სარეგისტრაციო ორგანოს პასუხისმგებლობის წინაპირობების, ფარგლებისა და სამართლებრივი მექანიზმების ანალიზი, როგორც ნორმატიული, ასევე სასამართლო პრაქტიკის პერსპექტივიდან. სტატიაში განიხილება რეგისტრაციის შეცდომების, უფლების მართლსაწინააღმდეგო გაუქმების ან გარიგების ბათილად ცნობის შემთხვევაში წარმოშობილი ქონებრივი ზიანის სახეები და მისი ანაზღაურების საფუძვლები. შედარებით-სამართლებრივი მეთოდის გამოყენებით, ნაშრომი სვამს კითხვას, რამდენად ეფექტიანად ახდენს საქართველოს სამართალი პირთა ქონებრივი ინტერესების დაცვას საჯარო რეესტრის ბრალეული მოქმედებისა თუ უმოქმედობის შემთხვევაში. კვლევა ეყრდნობა საქართველოს სამოქალაქო კოდექსს, ადმინისტრაციული სამართლის ნორმებს და სასამართლოების გადაწყვეტილებებს. ნაშრომი ასკვნის, რომ არსებობს მნიშვნელოვანი სამართლებრივი ხარვეზები, რომელთა აღმოფხვრა კომპლექსური საკანონმდებლო ჩარევის გარეშე ვერ მოხდება.

საკვანძო სიტყვები: სახელმწიფო პასუხისმგებლობა, კეთილსინდისიერი შემძენი, სარეგისტრაციო შეცდომა.

სტატიის DOI: https://doi.org/10.55367/TQJR6719