საერთაშორისო ჟურნალი სოციალურ მეცნიერებებში

ჯენიფერ აკერის მიერ შემუშავებული ბრენდის პიროვნების სკალა (BPS) ორი ათწლეულის განმავლობაში იყო მარკეტინგული კვლევის ცენტრალური ინსტრუმენტი. სკალამ გამოკვეთა ბრენდის პიროვნების ხუთი ძირითადი განზომილება: გულწრფელობა, აღტაცება, კომპეტენტურობა, ელეგანტურობა და სიმტკიცე. მიუხედავად ამისა, მას დაუგროვდა სერიოზული კრიტიკა, რომელიც ცნებითი ბუნდოვანების, განზომილებათა სტრუქტურული შეუსაბამობის, მეთოდოლოგიური სირთულეებისა და სემანტიკურ-კონტექსტური შეზღუდვების ირგვლივ ჩამოყალიბდა.

ცნებითი მხარე მიუთითებს, რომ აკერის განსაზღვრება პიროვნების და იმიჯის ცნებებს ერთმანეთში ურევს. განზომილებითი სტრუქტურა ხანდახან ვერ განმტკიცდა სხვადასხვა კულტურასა და ინდუსტრიაში, სადაც აღმოჩნდა ახალი განზომილებები ან ხუთფაქტორული მოდელი ვერ განმეორდა. მეთოდოლოგიური ანალიზი აჩვენებს, რომ პერსონიფიკაციის ინსტრუქციამ და ფაქტორულმა ანალიზმა შესაძლოა ხელოვნურად წარმოქმნა პიროვნების ილუზია. სემანტიკური სიზუსტე და კონტექსტის მგრძნობელობა მიუთითებს, რომ BPS-ში გამოყენებული ტერმინები ხშირად არ ასახავს რეალურ პიროვნების თვისებებს და იწვევს ინტერპრეტაციის სირთულეებს კულტურათაშორის გამოყენებისას.

დოკუმენტი გთავაზობთ ახალ ოთხდომენიან ანალიტიკურ ჩარჩოს BPS-ის სიღრმისეული ანალიზისთვის და ასკვნის, რომ საჭიროა ახალი თეორიული მოდელის შექმნა, რომელიც იქნება ცნებით მკაფიო, კულტურულად ადაპტირებადი, მეთოდოლოგიურად გამართული და სემანტიკურად ზუსტი.

ახალი მოდელი უნდა მოიცავდეს მკაფიოდ განსაზღვრულ პიროვნების თვისებებს, მოქნილ განზომილებით სტრუქტურას, უარყოფითი ასპექტების ჩართვას და მრავალპერსპექტიულ მეთოდოლოგიურ მიდგომებს, რაც უფრო უკეთესად ასახავს ბრენდის პიროვნებას 21-ე საუკუნის პირობებში.

საკვნაძო სიტყვები: ბრენდის პიროვნება, აკერის სკალა, კრიტიკული ანალიზი, ცნების საფუძვლები, განზომილებითი სტრუქტურა, კულტურული ადაპტაცია, მეთოდოლოგიური სიწმინდე, სემანტიკური სიზუსტე, ახალი მოდელის შექმნა.

სტატიის DOI: https://doi.org/10.55367/BSOS5827