საერთაშორისო ჟურნალი სოციალურ მეცნიერებებში

წინამდებარე ნაშრომი ეძღვნება უვადო თავისუფლების აღკვეთით მსჯავრდებულთა პირობით ვადამდე გათავისუფლების სამართლებრივ პრობლემებს, რაც ემყარება პრაქტიკის ანალიზსა და სამეცნიერო პუბლიკაციათა კვლევას.

თემის აქტუალურობა განპირობებულია სამართლებრივი ინსტიტუტის სიახლით, უვადო თავისუფლებააღკვეთილ პირთა პირობით ვადამდე გათავისუფლების თავისებურებებისა და დაბრკოლებების გამოვლენის მიზნით კვლევების განუხორციელებლობით, სტატისტიკური მონაცემების მაჩვენებლითა და ზოგადსამართლებრივი გამოკვლევების სიმცირით, რასაც ცხადყოფს თანამედროვე ქართული იურიდიული ლიტერატურის სიმწირე, ვინაიდან უვადო თავისუფლების აღვეთით მსჯავრდებულთა პირობით ვადამდე გათავისუფლების საკითხი ამ ეტაპისათვის სრულყოფილად გამოუკვლეველია და მეცნიერული კვლევის ინტერესის საგანიც იშვიათად ყოფილა.

სტატიაში განხილულია უვადო თავისუფლების აღკვეთით მსჯავრდებულთა პირობით ვადამდე გათავისუფლების თავისებურებანი, მისი არსი და ბუნება, გაანალიზებულია შიდა საკანონმდებლო ნორმები და დადგენილია მათი სრულყოფისა და პრაქტიკაში წამოჭრილი პრობლემების გადაჭრის გზები, ხოლო შედარებით-სამართლებრივი კვლევის მეთოდების გამოყენებით წარმოჩენილია მსგავსება-განსხვავება ეროვნულ დონეზე არსებულ მიდგომებსა და საერთაშორისო დონეზე ცნობილ მოდელებს შორის; ამასთან, კვლევის ფარგლებში შესწავლილია უვადო თავისუფლების აღკვეთის მოხდისაგან პირობით ვადამდე გათავისუფლებაზე უარის თქმის შესახებ სასამართლოს განჩინებები.

სტატიის ფარგლებში შემუშავებული კომპლექსური რეკომენდაციები, დასკვნები და დებულებები გარკვეულწილად გაუადვილებს ამ საკითხით დაინტერესებულ პირებს ორიენტირებულად წარმართონ მეცნიერული კვლევის პროცესი, ხოლო დარგში მომუშავე  სპეციალისტებს გაუმარტივებს სამუშაო პროცესს პრაქტიკული კუთხით.